На 18.11.2019 во Скопје се одржа Едукативна работилница „ Глобални СМА истражувања и нови перспективи“, на која учество земаа експерти за СМА од земјава и странство.  Во првиот дел кој беше наменет за медицински лица се презентираа достигнувањата во истражувањето на генската терапија. Потоа се презентираа искуства од нео-натален скрининг за СМА и се разговараше за воведување на истиот во Р.С.Македонија со цел навремено детектирање на лица заболени со СМА и рано започнување со терапија. Во вториот дел од работилницата покрај специјалисти од земјата и странство, учество земаа и пациенти со СМА, нивните семејства, гости од СМА здруженија од Србија и Украина и директор на истражување од соседна Србија. На вториот дел се презентираа искуства од актуелно истражување во соседна земја и се разменуваа искуства за стандардите на нега кај СМА пациенти.